Шест лица на возраст од 24 и 25 години од Кавадарци кои два дена беа завеани во прилепското село Вепрчани, денеска напладне се извлечени од селото, соопшти МВР.
Во акцијата учествувале полициски службеници од Полициската станица за граничен надзор Старавина и екипа на Територијалната противпожарна единица.
Шестмината спасени биле заглавени во селото поради снежни наноси и не можеле да излезат.
Сите се во добра здравствена состојба и со возила на граничната полиција и на противпожарната единица биле однесени во Прилеп, од каде заминале во своите домови во Кавадарци.
