Досега се пријавени 4.000 здравствени работници за вакцинација против ковид-19. Од нив, околу 2.000 здравствени работници се во градот Скопје, а останатите се во другите градови, соопшти Министерството за здравство.
Ов би значело дека денешната пратка од 4.680 вакцини од Србија од компанијата „Фајзер“ се доволни за да се покријат првите на листата кои ќе бидат вакцинирани – здравствените работници.
Според најавата од министерот за здравство Венко Филипче, први ќе се вакцинираат здравствените работници во модуларната болница во Клиничкиот центар „Мајка Тереза“ во Скопје.
Денешните вакцини се сместени во фрижидерите во Институтот за трансфузиологија.
