На барање на публиката, вечерва се одржува втора изведба на балетот насловен „Балетски бисери“ во МОБ.
Оттаму информираат дека балетскиот концерт ги опфаќа најубавите балетски дела „Бајадера“, „Рајмонда“, „Силфида“ итн. Настапуваат првенци, солисти и балетскиот ансамбл на Националната опера и балет.
Организаторите нагласуваат дека опасноста од ширење на заразата е целосно сведена на минимум, заради превентивните мерки што ги презеле.
