Сообраќајната полиција пак имала многу работа во Скопје. Имено, вчера само на територијата на град Скопје биле изречени вкупно 157 казнени мерки.
За возење без возачка дозвола биле санкционирани 10 лица, 16 за користење на мобилен телефон, четири за возење под дејство на алкохол. Изречени се 11 санкции за непочитување на брзината на движење, пет за минување на затворен сигнал (црвено светло), 41 мерка за непрописно паркирани возила и 31 прекршок направен од страна на пешаците.
Од МВР уверуваат дека ќе продолжат со засилените сообраќајни контроли и во наредните денови.
