По денешната седница на партискиот централен совет, Претседателот на ДУИ, Али Ахмети, ги соопшти имињата на нивните кандидати за министри во новата влада по договорот со СДСМ за поделба на ресорите.
-Ќе го избереме претседателот на Собранието, нашиот пријател Талат Џафери, а потоа и нашите други пријатели, Артан Груби како прв вицепремиер и министер за политички систем, Фатмир Бесими како министер за финансии, Бујар Османи за надворешна работи, Крешник Бектеши во Министерството за економија, Насер Нуредини во животната средина и останува да се договориме со коалициските партнери за министер во Министертвото за информатичко општество, посочи Али Ахмети.
Тој рече дека идната влада како и во минатото така и во иднина ќе ги носи сите одлуки со демократско начело на консензус, како и дека има многу работи на кои ќе се посветат. 
За Насер Зибери, кој беше кандидат за премиер на ДУИ, Ахмети исткана дека тој како нотар продолжува со својата работа, а во иднина ќе се одлучува за евентуална функција.
