„Мултимедијална летна ноќ“ е името на манифестацијата која, по повод одбележување на независноста на Македонија ќе се одржува вечерва и на 14 септември. Вечерва почнува во 21 часот во објектот Куршумли Ан, а исто е времето и местото и на 14-ти.
Вечерва мултимедијалната ноќ е резервирана за филм, музика, поезија, ликовна уметност, живот и творештво на Блаже Конески, Кочо Рацин и Петре М. Андреевски, ќе има актерски и сликарски перфоманси, но ќе се слушнат и стиховите на истакнати поети: Сузана Мицева, Стојан Арсиќ, Арлинд Фаризи, Лејла Шериф и Сејдо Јашаров.
На вториот ден од „Мултимедијалната ноќ“ ќе настапат и музичарите Глигор Кондовски на виолина, Јован Василевски на пијано и познатиот музичар Горан Трајковски. 
