Прво ќе треба да се обучат обучувачи на тие избирачки одбори и поради тоа овие уреди ќе бидат полнети со фиктивни податоци од тие кои се присутни таму. Ќе се пробува како се ракува со нив за да може да бидат подготвени на денот на гласањето.
Претседателот на ДИК Александар Даштевски најави дека следните четири пратки ќе бидат од по 950 терминали, како и дека во третата пратка ќе биде и софтверот за полнење и празнење на овие терминали. Тие ќе бидат испорачани во наредните четири недели.
Овие апарати ќе треба да се наполнат со податоци до 13 октомври, а некаде на 15 октомври да бидат однесени до општинските изборни единици за да се поделат на избирачките места за гласање. 
-Податоците во нив ќе бидат криптирани. Покрај опремата, ние купивме и услуги тие да бидат тука и да го завршат процесот до крај, бидејќи нашите инженери не ја познаваат оваа опрема и тие може само да соработуваат со нив. Значи, купена е и услуга која ќе биде од доставувањето до завршувањето со обуките и со денот на изборите се да биде како што треба, рече Даштевски.
