За само неколку часа од објавувањето, на веб-страницата на која државјани од Западен Балкан може да аплицираат за работна виза во Германија имало над 50 000 прегледи, објави денеска германската Амбасада во Скопје на својот Фејсбук профил.
На 1 септември во Германија стапи на сила последователна регулатива на таканаречената Регулатива за Западен Балкан.
-Сојузната влада овозможи привилегиран пристап кон германскиот пазар на труд. Ова и понатаму се однесува на секој тип на работа – независно од признатата квалификација. Согласно германската законска регулатива, во целиот регион на Западен Балкан смее да се доделат 25.000 визи годишно, од нив Северна Македонија добива годишна квота од 4.750 визи, објаснува германската мабасадорка Анке Холштајн, на Фејсбук профилот на германската Амбасада во Скопје. 
