Кои се амбулантските протоколи според кои се лекуваат ковид случаите во болниците? Македонија речиси две години во пандемијата никогаш официјално не излезе со листа на чекори и терапии кои им се даваат на пациентите при амбулантното лекување на вирусот.
Земјите од регионот отворено зборуваат за здравствените протоколи според кои дејствуваат лекарите, а за причините за смртност кај младите се прават анализи детални. Кај нас за многу кус временски период 21 и 24- годишен пациент починаа како последица на ковид-зараза. Темелни анализи за начините на кои биле третирани, за нивните здравствени состојби, и други важни фактори не слушнавме. Објаснувањето на здравствените власти е дека имале комобирдитети, или пак воопштеното што повеќе пати го повторија за време на овие две години, дека луѓето „доцна се јавувале на доктор“.
Во меѓувреме Македонија изби на петто место по смртност од ковид 19 на 1 милион жители во Европа, додека Грција е на 27, Албанија на 37, Србија на 39 место. Зошто никој не ги објаснува јасните протоколи и терапија со која надлежните го третираат вирусот? 
