Словенечките пожарникари веќе се во Берово од каде ќе бидат распоредени да помогнат во гасењето на пожарите во регионот, објави министерката за одбрана Радмила Шекеринска на нејзиниот фејсбук профил.
Во земјава се пристигнати 16 противпижарни возила и 46 пожарникари од Словенија за да помогнат во гасењето на пожарите. Помошта од Словенија е по телефонскиот разговор меѓу министерката за одбрана Шекеринска и нејзиниот словенечки колега Матеј Тонин.
Шекеринска на Фејсбук напиша дека се зголемува ангажманот на Армијата во регионот на Делчево и Пехчево – 400 припадници на Армијата во моментов го гаснат пожарот во кај селата Истевник, Робово и Умлена.
