Пожар ги зафати скопските села Ракотинци и Кучково. Известени се припадниците на Територијалната противпожарна бригада на Град Скопје и во моментов се преговара за исклучување на струјата со ЕВН за да не се предизвикаат дополнителни искри и ширење од пожарот.
Од ЦУК велат дека пожарот од Ракотинци се движи кон Сопиште. Во меѓувреме, жители на селото Кучково испратија писмо до повеќе медиуми, во кое наведуваат дека пожар го зафатил селото и упатуваат апел да се реши проблемот со водата.
-Почитувани медиуми вие сте нашиот спас, ПОМАГАЈТЕ! Општината не се јавува на нашите повици. Без капка вода сме, ако се прошири пожарот ќе изгориме! Во селото живееме само постари луѓе ако зафати тешко ќе може да се спаси нешто, се наведува во писмото. 
