Три возила и 15 пожарникари од Скопската противпожарна единица се испратени за Кочани во помош на колегите каде состојбата со пожарот е сериозна, објави вечерва Противпожарната бригада Скопје на Фејсбук.
Тие објавија и дека денеска на територија на Град Скопје имале 16 интервенции за краток период од 13 часот до 18 часот.
Во помош за Старо Нагоричане пратени се 2 возила и дополнителни сили, од каде и објавија фотографии од самата интервенција.
-Драги наши сограѓани имајте разбирање за Ситуацијата помагаме каде што можеме!!! Бидете совесни, високите температури со секое мало невнимание може да предизвика катастрофа, објавија од Пожарна Скопје.
