СДСМ објави уште пет имиња на кандидати за градоначалнци за претстојните локални избори што ќе се одржат во октомври. Партијата ги утврди кандидатите за општините Гази Баба, Берово, Могила, Неготино и Ранковце, речиси сите кои се актуелни градоначалници.
-Ова се кандидатите кои според сите истражувања, анализи и испитувања на јавното мислење се најдобрата понуда за општините Берово, Гази Баба, Неготино, Могила и Ранковце: Ѕвонко Пекевски – Берово, Борис Георгиевски – Гази Баба, Јасмина Гулевска – Могила, Тони Делков – Неготино и Даниел Крстевски – Ранковце, објави доцна синоќа претседателот на СДСМ, Зоран Заев.
Тој повтори дека до крајот на август ќе бидат дефинирани сите кандидати за градоначалници во општините во кои со свој кандидат ќе настапи СДСМ. 
Претходно СДСМ објави триесетина кандидати за градоначалници од кои повеќето се веќе актуелните.
