Полицијата поднесе кривична пријава против П.Ј., полициски службеник во Кочани поради злоупотреба на службена положба и овластување.
Според МВР, полицаецот искористувајќи ја својата службена положба, при пополнување пријава за престој на странски државјани на територија на државата побарал и зел пари од него.
Од страна на Одделот за внатрешна контрола, криминалистички истраги и професионални стандарди поведена е постапка за утврдување на дисциплинска одговорност и тој е суспендиран до донесување решение во дисциплинската постапка.
