Според денешниот извештај од Министерството за здравство, во осум града: Дојран, Кавадарци, Пехчево, Демир Капија, Богданци, Пробиштип, Берово и Ресен нема активни случаи.
Во последните 24 часа, како последица од ковид почина едно лице, а од направени 1337 тестирања, регистрирани се 4 нови заразени од кои три од Скопје и еден од Прилеп.
Починатото лице е од Скопје (66г).
Регистрирани се 14 оздравени пациенти.
Вкупната бројка на ковид-дијагностицирани лица во нашата земја од почетокот на епидемијата изнесува 155.540, бројката на оздравени пациенти е 149.642, на починати е 5.472, а бројот на активни случаи изнесува 426, од кои 183 во Скопје.
