Од 1 октомври да стартува концептот недела -неработен. Владата на денешната седница ги усвоила измените на Законот за работни односи, а што предвидуваат тие, на прес-конференција зборуваа премиерот Зоран Заев, министерката за труд Јагода Шахпаска и министерот за економија Крешник Бектеши
Работниците кои ќе работат во недела ќе добијат поголема дневница и слободен ден, што ќе може да го користат во наредните 7 дена. Додатокот за работа во недела и за празници треба да изнесува најмалку 100 отсто од дневницата за секој час поминат на работа.
Предвидени се и посебни санкции за непочитување на законските решенија. 
Исклучок од неработењето в недела се продавници и штандови за продажба на сладолед, колачи, весници, апетисани… во туристички центри, продавници во трговските центри, кои може да работат само една смена – од 10 до 18 часот, штандови за време на саеми и други настани, продавници за трговија на мало каде што трговијата ја врши сопственикот.
Паралелно, донесени се и измени на Законот за трговија, кои се услогласуваат со измените во Законот за работни односи за недела – неработен ден.
