На територијата на град Скопје изречени се вкупно 160 мерки, меѓу кои и 13 санкции за користење мобилен телефон, соопшти денеска МВР за контролите во изминатово деноноќие.
-Меѓу казните за возење повеќе од дозволената брзина изречени се 44 санкции, 11 за возење без возачка дозвола, четири за технички неисправни и нерегистрирани возила. Имало и санкции за 11 прекршоци што ги чинат возачи на мотоцикли, осум за некористење сигурносен појас, три прекршоци што ги чинат пешаците и 45 санкции за непрописно паркирани возила, се наведува во информацијата.
Засилените сообраќајни контроли продолжуваат и во наредните денови.
