Во скопската општина Чаир екипите на ЈП „Комунална хигиена“ – Скопје, денеска расчистиле две големи диви депонии составени од мешан комунален, градежен и кабаст отпад, лоцирани во Топаана и во близина на стадионот во општината Чаир.
Директорот на ЈП „Комунална хигиена“ – Скопје, Абдусамед Шабани вели дека секоја година има драстично зголемување на количеството отпад од диви депонии, а во текот на изминатите три години бројките се зголемени дури десетпати.
Тој порача дека само со правилно и совесно одлагање на отпадот можеме да ги заштитиме животната околина и јавното здравје.
