Во последните 24 часа, 24 лица починаа во земјава како последица од ковид, додека бројката на новозаразени скокна на 1.300, за разлика од вчерашните 999.
Починатите се на возраст од 49 – 90 години и тоа: 14 пациенти од Скопје, од Прилеп – 2 и по едно починато лице се регистрира од Куманово, Битола, Кочани, Неготино, Радовиш, Берово, Богданци и Пехчево. Дваесет и три пациенти се починати во болнички услови, додека едно лице е починато во домашни услови.
Новозаразените 1.293 лица се регистрирани од направени 4.094 тестирања. Половина од овие случаи се во Скопје– 626, Прилеп – 88, Велес – 60, Гостивар, Кавадарци и Битола – по 48, Тетово – 46, Штип – 41, Неготино – 36, Охрид – 34, Струмица – 33, Куманово – 28, Кочани – 23, Радовиш – 18, Гевгелија – 17, Пробиштип – 12, Валандово и Демир Капија – по 11, Кичево – 10, Делчево – 9, Струга, Крива Паланка и Берово – по 8, Крушево – 6, Ресен – 5, Богданци – 4, Свети Николе – 3, Дебар, Виница, Пехчево и Дојран – по 1. 
Регистрирани се 339 оздравени пациенти.
Вкупната бројка на ковид-дијагностицирани лица во нашата земја од почетокот на епидемијата изнесува 115 222, бројката на оздравени пациенти е 99 015, на починати е 3 388, а бројот на активни случаи изнесува 12 819, од кои половината се во Скопје.
И покрај ваквите загрижувачки бројки, министерот за здравство Венко Филипче и епидемиологот Жарко Караџовски на денешната прес-конференција рекоа дека засега не се потребни нови рестрикции, бидејќи ситуацијата е под контрола.
