Обид за убиство на две лица со умисла е причина за спроведување на истражна постапка против едно лице која ја наредило Основното јавно обивнителство од Гевгелија. Во соопштението се наведува дека настанот се случил на 29.10.2020 година кога во канцеларија на извршител во Гевгелија лицето се сретнал со две лица по претходен договор за регулирање на начинот и рокот на исплата на негов долг.
-Додека траело излагањето на оштетениот- адвокат, осомничениот ја затворил вратата од канцеларијата, извадил пиштил и го вперил во доверителот- лицето кон кое го имал долгот. По реакција на адвокатот, осомничениот го вперил пиштолот и кон него, но адвокатот успеал да ја фати раката на осомничениот и да го насочи пиштолот кон подот, по што настанала турканица и борење по подот. Во меѓувреме другиот оштетен и вработените од извршителската канцеларија ја напуштиле просторијата. Додека траела борбата, осомничениот со левата рака се обидел да го репетира пиштолот. Откако оштетениот адвокат му ветил на осомничениот дека нема да го пријават, борбата престанала и осомничениот го напуштил местото на настанот, се наведува во инфорамцијата на Обвинителството.
Надлежен јавен обвинител до Судот достави предлог за определување на мерката притвор за осомничениот кој е прифателн од страна на судијата на претходна и на осомничениот со решение му определи притвор во траење од 30 дена. 
