И годинава како и лани дивиот пазар царува под подвозникот во близина на амбулантата „Пролет“, на булеварот Трета македонска бригада. Буквално од двете страни на улицата можете да најдете по неколку камиони со пиперки, домати, праз, се што ви треба за зимница, но и воопшто секаков тип на овошје и зеленчук.
Дивиот пазар е проблематичен по неколку основи, за што граѓаните од зградите во околината реагирале неколку пати:
– Се создава метеж од автомобили на булеварот, едни застануваат, купуваат, други не може ни да поминат, а е раскрсница и e хаос;
– Честа е сликата кога на само 50-тина метри подолу се полицајците за контрола на возачите, и пред чии очи со полна пареа работи пазарот;
– Продавачите доаѓаат од друг градови, најчесто од Струмица, па остануваат тука и спијат во камионите, а тука и вршат нужда, па реата се шири во околината, но е и многу блиску до болницата, каде се вршат и тестирања за ковид;
– Продавачите никогаш не носат маски, опасноста е голема; 
Барањата се реални, особено ако се има предвид дека деновиве во главниот град се одбележуваат „Денови на европско Скопје“. Ама на очајните реакции на околните жители не реагира ни Град Скопје, ни градскиот инспекторат нити државните инспектори за храна чии канцеларии се буквално, позади еден од камионите. Да не заборавиме дека на следната крстосница има и голема полициска станица.
