Болничкото лекување на Бојан Јовановски – Боки 13 повторно го одлложи судењето во предметот „Меѓународен сојуз“. Ова е трето одлагање на овој процес, а надлежната судијка денеска ги откажа и веќе закажаните термини за 14 и 22 октомври. Новото рочиште е закажано за 28 октомври.
Јовановски е на болничко лекување заради проблемите со желудникот. Во случајот „Меѓународен сојуз“ тој е првообвинет и се товари со кривичните дела измама и перење пари. На обвинтелната клупа треба да седнат и поранешната пратеничка Фросина Ременски, Јасна Мандиќ-Ерцеговиќ… кои се обвинети за помагање во измама и перење пари. Таткото на Боки 13, Миле Јовановские обвинет за помагање во перењето пари и за делото неовластено изработување, држење, посредување и тргување со оружје.
Обвинителството ги товари дека од страна на „Меѓународниот сојуз“ на чело со Јовановски, двајцата бизнисмени, Силјан Мицевски и Ардијан Амзоски, биле доведени во заблуда и измамени преку проекти за изградба на европски центар за возрасни лица и мобилни сервиси, па преку авторска агенција исплатиле големи суми на пари. 
