Во последните 24 часа во Македонија се направени 1768 тестирања, а регистрирани се 127 нови случаи на ковид-19, соопшти денеска минстерот за здравство Венко Филипче на својот профил на Фејсбук. Најмногу од новозаразените има во Скопје 38 и во Куманово 23, а потоа следат Дебар 1, Штип 3, Прилеп 15, Тетово 8, Струга 2, Велес 5, Битола 1, Охрид 1, Кавадарци 1, Гостивар 12, Струмица 1, Пробиштип 3, Пехчево 2, Берово 3, Виница 1, Делчево 3, Свети Николе 3 и Неготино 1.
-Починати се 5 лица, една пациентка од Крива Паланка (69г), двајца од Гостивар (77г и 63г), еден пациент од Неготино (69г) и еден од Скопје (70г). Сите се починати во болнички услови, се наведува во информацијата.
Денеска Институтот за јавно здравје регистрира 60 оздравени пациенти од: Скопје 19, Дебар 1, Битола 3, Кавадарци 11, Гостивар 22, Демир Хисар 1, Кичево 2 и Неготино-1. 
Досега во земјата се направени вкупно 140.093 тестирања на ковид-19. Нема тестирања во рамките на скринингот.
-Вкупната бројка на ковид дијагностицирани во нашата земја од почетокот на епидемијата изнесува 13799, бројката на оздравени пациенти е 10210, на починати е 573, а во моментов бројот на активни случаи во земјата изнесува 3016, се наведува во објавата.
