Претпладне по одделни котлини ќе има услови за појава на магла и ниска облачност. Преку денот сончево со мала до умерена, а во западните делови со зголемена облачност. Ќе дува слаб до умерен ветер од јужен правец. Минималната температура ќе биде во интервал од -6 до 2, а максималната ќе достигне од 6 до 12 степени.
За време на викендов по одделни котлини ќе има услови за појава на утринска магла и ниска облачност. Во недела облачноста ќе се зголеми и во следните денови ќе преовладува претежно облачно време со повремени локални врнежи од дожд. Ќе дува умерен, повремено засилен јужен ветер што ќе услови пораст на температурите и топење на снежната покривка.
