Му благодариме на господинот Мицкоски за изразената почит кон претседателот Африм Гаши, но Алтернатива моментално е во еден процес кој е во тек и се уште не е завршен. Во овој период немаме причина и не можеме да зборуваме за ништо друго, велат од Алтернатива, откако денеска претседателот на ВМРО-ДПМНЕ, Христијан Мицкоски, прес-конференција на ДУИ и на Али Ахмети им предложи со најмалку 61 пратенички потпис да ја поддржат идејата лидерот на Алтернатива Африм Гаши да биде мандатар за состав на нова Влада, наместо новиот лидер на СДСМ Димитар Ковечевски.
Тој ја повика и опозицијата на Албанците да го поддржи ваквиот предлог за премиер Албанец. Од Алијанса за Албанците со брза реакција најави дека ќе даде поддршка за евентуалниот ваков предлог, додека од ДУИ одговараат дека ваков предлог може да даде само претседателот на партијата Али Ахмети и ниту една друга партија, особено не ВМРО-ДПМНЕ.
