Денеска во седиштето на СДСМ, кандидатура за лидерската позиција поднесе Јован Деспотовски, директор на Дирекцијата за слободни економски зони.
Деспотовски со кандидатурата ја достави и неговата програма „Концепт 28“.
-Нудиме концепт во политиката што нема да поаѓа од „Кој“, туку од „Како“ и „Каков човек/луѓе“ ни се потребни. Концепт што, преку конкретни и мерливи резултати, ќе ја зацврсти СДСМ како водечка политичка организација во Северна Македонија и по следните парламентарни избори. Концепт што ќе обезбеди континутет и квалитет во спроведување на современите вредности и прогресивните политики до 2028 година, стои во програмата на Деспотовски која што е доставена. 
Изминатите денови кандидатури поднесоа Фросина Ременски, Димитар Ковачевски и Властимир Алексовски. Рокот за поднесување е до денеска.
