Новите скопски градоначалници излегле на терен. Го покажуваат тоа преку социјалните мрежи. Гледаат што треба да се сработи. Добро. Наскоро ќе видиме дали само гледаат или и ќе работат.
Инаку, проблемите на градот секојдневно ги гледаат скопјани. Тие и најдобро знаат што фали и што е за поправка во реонот каде живеат и работат. Затоа градоначалниците треба почесто да се гледаат и со скопјани.
Еве, градоначалникот на Ѓорче Петров најави дека секој последен четврток во месецот ќе ќе остварува средби со жителите на Општината. Тој веќе и примил десетина граѓани кои по еден месец од неговото доаѓање на функцијата, побарале да се сретнат со него. Убаво. Ова треба да го прават сите останати негови колеги. И да се разбереме, треба да трае четири години, а не четири пати да има средби и потоа – „градоначалникот е оправдано отсутен, спречен е да дојде, пишете му на мејлот“… 
И да се доразбереме, а скопјани треба да се настојчиви градоначалниците да работат за доброто на Скопје, а не да ракоплескаат на средбите и потоа онака од нога: „ дај те молам работно место за синот, може ли преку ред да добијам субвенции“…
