Екипи на ЈП „Водовод и канализација“-Скопје во текот на денешниот ден спроведоа акција за чистење на сливниците и шахтите во сите општини на територија на Град Скопје.
Од претпријатието информираат дека акцијата се спроведува во рамки на редовните работни активности и поради најавените врнежи од дожд во претстојниот период заради непречена функционалност на атмосферската канализација.
– Врз основа на планираните активности, акцијата продолжува и во текот на утрешниот ден, информира ЈП „Водовод и канализација“-Скопје .
