Вирусот демне и затоа внимавајте – однесувајте се одговорно, ова властите ни го повторуваат секојдневно. Сега се најавуваат и драконски мерки кон невакцинираните иако познати наши експерти белат дека мерките немаат епидемиолошко – здравствена логика. Порано пак, министерот Филипче испрати и апел до граѓаните да не се собираат на семејни слави оти така корона вирусот најлесно се ширил.
Е овој апел е многу пологичен и навистина треба да се внимава. Ама и овој апел некако збунува ако почнеш логично да размислуваш. На слави вирусот е опасен, а на партиски прослави не е? Тоа е логичното прашање – јавноста беше сведок на неносења на заштитните маски, на ракувања, на гушкања, масовни групирања, за време на кампањата, а и по неа. Се виде истото тоа дури и во македонскиот парламент кога министрите и по некој пратеник од владеачката коалиција го прославуваа неизгласувањето на недовербата. И таму немаше маски на нивните лица, имаше блиски контакти, гушкања… Тоа славење не е исто со семејните слави? Вирусот распознава ли каде смее да нападне, а каде му е забрането оти се во прашање партиски луѓе?
Шегата настрана. Властите мора да делуваат со барем малку повеќе логика. Вирусот навистина демне. 
