Заврши привремениот престој во земјава за група граѓани од Авганистан.
Десетмина од вкупно 484 Авганистанци, кои Северна Македонија ги прими изминатиот период откако талибанците ја преземаа власта во Авганистан, синоќа заминале во Франција каде што ќе чекаат да им се признае правото на азил.
Тие ќе престојуваат во Франција додека чекаат да им се признае правото на азил, како дел од операцијата за помош на граѓани кои работеле за демократските институции и меѓународни организации во Авганистан, а се под закана на новиот талибански режим во земјата. 
Македонија како дел од меѓународната хуманитарна мисија досега обезбеди привремен престој за 484 граѓани од Авганистан, вработени и жени и деца од семејства на вработени во хуманитарните, демократски и миротворни меѓународни мисии, активисти од организациите за човекови права, преведувачи, студенти и стипендисти.
Во Скопје, каде што имаат привремен престој, обезбедено им е сместување во објекти, здравствена заштита и психолошка поддршка. Трошоците не се на сметка на државата туку ги покриваат меѓународните организации.
