Министерството за внатрешни работи во текот на вчерашниот ден продолжи со засилените акциски контроли во областа на сообраќајот.
На територијата на град Скопје изречени се вкупно 152 мерки, меѓу кои за возење повеќе од дозволената брзина 63 санкции, 11 за возење без возачка дозвола, девет за возење под дејство на алкохол, 11 за технички неисправни и нерегистрирани возила.
Изречени се три мерки за неносење сигурносен појас, седум за возач почетник, осум за користење мобилен телефон, 21 за непрописно паркирање.
