Во рамки на одбележувањето на 30 јули – Светскиот ден за борба против трговијата со луѓе, денеска Министерството за внатрешни работи, заедно со Министерството за труд и социјална политика и невладините организации, со поддршка на ИОМ, ги реактивираа мобилните тимови за идентификација на жртвите и потенцијалните жртви на трговија со луѓе.
Нивната работа ќе биде навремена идентификација и работа директно на терен со најранливите категории на граѓани.
Петте мобилни тимови во Битола, Гевгелија, Куманово, Скопје и Тетово се формирани во јануари 2018 година, потсети Несторовска, и се еден од успешно реализираните приоритетни активности предвидени во тогашниот реформски владин план 3-6-9 со поддршка на ИОМ. 
Во периодот март 2018 – декември 2019 година, мобилните тимови првично контактирале, информирале и асистирале 797 лица и тоа 719 државјани на Македонија и 78 странски државјани, од кои биле детектирани 14 жртви на трговија со луѓе. Сите тие биле жени, од кои 10 деца и четири возрасни, како и 190 потенцијални жртви на трговија со луѓе и 593 ранливи категории лица, од кои 318 мажи и 275 жени.
