Секој понеделник во земјава стигнуваат меѓу 20 и 30 илјади вакцини, врз основа на комбинацијата од директниот договор со компанијата „Фајзер“ и помошта што стигнува преку земјите-членки на ЕУ.
Според министерот за здравство Венко Филипче за третиот и четвртиот квартал само од директниот договор вкупно треба да стигнат 700 илјади вакцини „Фајзер“, што, според него, е сосема доволно и во овој момент има доволно вакцини.
– На територијата на цела држава опфатот со вакцинација на граѓаните над 70 години е 63 проценти, над 50 години е 45 проценти. Понатаму како се намалува возрасната група опаѓа и опфатот со вакцинацијата, додаде Филипче. 
Во меѓувреме од Србија стигнуваат информации дека и натаму во пунктовите во Белград, Врање, Ниш се вакцинираат македонски граѓани. Засега нивниот точен број во земјава не е евидентиран.
