Вкупната бројка на пациенти позитивни и суспектни на корона – вирусот кои се лекуваат на инфективните одделенија во главниот град и во болниците низ земјава е 194 и има околу 530 празни болнички кревети во ковид – центрите.
Во ковид – центрите во Скопје за 24 часа се хоспитализирани 5 пациенти, а вкупно се лекуваaт 71 болен сомнителен и потврден за ковид 19 на инфективните одделенија во главниот град.
Во последното деноноќие, на Институтот за ТБЦ имало еден прием. 
Во ковид – центарот во ГОБ „8 Септември“ имало два примени пациенти и пет биле примени на Клиниката за инфективни болести и фебрилни состојби во текот на вчерашниот ден.
Бројот на приеми во изминативе денови се намалува и утрово до 8 часот имало 80 слободни места, а се очекува во тек на денот по направените исписи на оздравените пациенти да се ослободат и дополнителни места.
На инфективните одделенија во остантите градови се лекуваат 123 пациенти.
Поради намалениот број на болни, болниците затворија дел од капацитетите наменети за ковид пациенти.
