Семејството на 20- годишната Верица Белчовска од селото Русиново, која загина во сообраќајна несреќа, а чии органи беа донирани ќе добие стан во општина Струмица, објави министерот за транспорт и врски, Благој Бочварски, на социјалните мрежи.
-Имајќи ја предвид бескрајната хуманост на семејството Белчовски, чија ќерка Верица трагично загина во сообраќајна несреќа, а нејзините органи беа донирани, како скромно оддолжување кон ова семејство, денеска на седница на Комисијата за станбени прашања при Владата со која претседавам, едногласно одлучивме да им биде доделен на користење стан во општина Струмица, напиша Бочварски на Фејсбук.
Досега беа трансплантирани срце, два бубрега и коска, кај лица на кои животот им зависеше од нови органи, а како што вели Бочваарски, семејството Белчовски ги поместило вредностите во општеството, за што граѓаните бескрајно му се благодарни за највисокиот чин на хуманост. 
