Албанија од утре воведува двонеделен карантин за сите кои влегуваат на нејзина територија од нашата земја и од Грција.
Одлука за ова денеска донесе Комитетот на експерти за справување со пандемијата и истата ќе биде во сила до трети мај.
Како причини се наведуваат зголемениот број заразени и починати од ковид во нашата земја и во Грција, додека во Албанија, масовната вакцинација дава резултати.
Исто така како причина за ваквата мерка се и претстојните велигденски празници кои во Албанија ќе донесат многу лица и емигранти од други земји, а имајќи предвид дека минатата година по овој празник бројот на новозаразени забележал голем раст, како и зголемен број смртни случаи.
