Специфична терапија стигнува во Maкедонија што веќе се користи во САД за лекување на лица со ковид 19. Убаво. Но, она што е дискутабилно е што доаѓаат само 1500 пакетчиња. Со други зборови стигнуваат онолку колку што безмалку имаме секој ден новозаразени.
Министерството за здравство објасни дека станува збор за терапија која влијае на намалувањето на размножување на вирусот и се дава во рана фаза од болеста, а се набавува преку заедничкиот систем на набавка на Европската Унија. Кој ќе ја прими терапијата ќе одлучува т.н. мини – кризен штаб составен од директорите на клиниките.
Одлична информација е фактот дека стигнува нова терапија во Македонија, ама како и за дел од претходните процеси за набавка на вакцини, и оваа постапка не поминува без критика и бројни прашања од граѓаните на социјалните мрежи: 
-Кој попрво ќе прими од 1500-те пакетчиња што ќе стигнат?
-Не е ли малку срамота да се фалите со 1500 пакетчиња?!И да не е возможно да се набават повеќе, па подобро премолчете отколку фешти да правите за волку малку терапија!
-А ќе стигнат ли? Можеби е подбро да се пофалите откако ќе дојдат…
-Мини – кризен штаб?! А што сработе макро – кризниот штаб во време на ковид-кризава?
-Кој гарантира дека правилно ќе бидат распоредени пакетчињата?
-Изгледа ќе ги потрошите за една вечер, толку новозаразени има секој ден…
Граѓаните реагираат во голем број и за ненавремените мерки, за големата смртност…
