Во изминатите 24 часа во ковид – центрите во Скопје се хоспитализирани 74 нови пациенти поради компликации од корона вирусот. Вкупно 666 лица сомнителни и потврдени за ковид -19 се лекуваат на инфективните оддели во главниот град.
Во последното деноноќие, на Интерните и хируршки клиники имало 30 приеми, во ковид – центарот во ГОБ „8 Септември“ имало 20 примени пациенти и 10 на Инфективната клиника. Во Козле биле примени 4 нови болни, а 10 пациенти биле примени на Клиниката за Детски болести.
Во изминатите 24 часа дома се пуштени 76 оздравени пациенти.
Вкупно во сите ковид-центри во земјава се лекуваат 1.577 пациенти.
