Уште 3.510 дози од вакцината „Фајзер“ денеска преку Табановце пристигнаа во земјава, кои се дел од вкупно 8.190 дози кои Србија ги издвои од своите набавки.
Со претходните 4 680 кои стигнаа пред 10 дена, започна вакцинацијата во земјава и тоа во првата фаза со која се опфатени здравствените работници кои од почетокот на пандемијата работат со ковид-пациенти.
Министерот Венко Филипче рече дека овие се доволни за вакцинација на здравствените работници и најави дека динамиката од 250 до 300 вакцинирани дневно во модуларната болница во Скопје ќе продолжи. 
За другите вакцини кои се најавуваат, Филипче рече дека се во секојдневна комуникација со „Фајзер“, но не можеше да каже точен датум,како ни за кинеските вакцини за кои денеска ќе биде направена уште една размена на писма преку МНР и за кратко време ќе се знае кога ќе пристигнат.
Преку Ковакс на почеоткот на март се очекуваат 20-30.000 вакцини „Астра Зенека“, а денеска Владата на затворена седница ќе разговара за набавката на 100.000 дози од руската вакцина.
