И покрај силните надежи македонската кошаркарска репрезентација не успеа да се пласира на Европското првенство кое ќе се одржи следната година. Денеска нашите кошаркари ја победија Естонија 86-84, но тоа не беше доволно за пласман на првенството бидејќо беше нужна победа со над 10 поени разлика.
Клучно за неуспехот беше лошо одиграното прво полувреме. Наместо ние да водиме – ако сакаме победа, по првата четвртина Естонија водеше со 27-18.
Меѓу македонските кошаркари најмногу се истакнаа Ненад Димитријевиќ со 23 поени, Бојан Трајковски со 21 и Џејкоб Вајли со 16 поени.
Да потсетиме Естонија не победи во Скопје и таа победа со повеќе поени разлика им овозможи да одат на ЕП.
