Бензините ЕУРОСУПЕР БС-95 и ЕУРОСУПЕР БС-98 ќе поскапат за денар по литар, а за половина денар ЕУРОДИЗЕЛ (Д-Е V) и Екстра лесното масло за домаќинство (ЕЛ-1) од ноќеска на полноќ, одлучи денеска Регулаторната комисија за енергетика (РКЕ).
Новата цена за литар ЕУРОСУПЕР БС – 95 ќе изнесува 64,5 денари, а 66 денари на ЕУРОСУПЕР БС -98. Литар ЕУРОДИЗЕЛ БС (Д-Е V) ќе се продава по 55 денари, а Екстра лесно 1 (ЕЛ-1) ќе чини 44 денари за литар. Малопродажната цена на Мазутот М-1 НС се зголемува за 0,417 ден/кг и сега ќе изнесува 34,759 ден/кг.
Според одлуката на РКЕ, малопродажните цени на горивата во просек се зголемуваат за 1,28 проценти. 
Од РКЕ зголемувањето на цените го објаснуваат со зголемување на референтните цени на светските берзи во изминатите седум дена, а во истиот период курсот на денарот во однос на доларот е понизок за 0,23 проценти.
