Полицијата и Државниот инспекторат за транспорт за два дена казниле 32 лица кои користеле ротациони светла на автомобилите за да минуваат слободно на патарини.
Контролите биле спроведени на 31 јануари и 1 февруари, при што меѓу оние кои на возилата ставале ротациски светла и сирени како да се возила за придружба или полиција бил и 20-годишник, кој со такво возило со тетовски регистарски таблички поминал без да плати патарина кај Желино. Тој бил приведен и во разговорот во полициска станица го признал делото, по што „флешерите“ се демонтирани.
Од МВР најавуваат дека ваквите контроли ќе продолжат и во наредните денови.
