Утринското сонце е со заби. Температурата во Скопје е минусна. Времето денеска во македонскиот главен град ќе биде променливо облачно со сончеви периоди и со умерен северозападен ветер. Во текот на ноќта во делови од котлината ќе провејува слаб снег. Минималната температура ќе се спушти до -7, а максималната ќе достигне 0 степени.
Во останатите делови на Македонија ќе биде сончево со мала до умерена облачност и студено. Во северните делови променливо облачно, во текот на ноќта со услови на места да провејува слаб снег. Ќе дува слаб до умерен, а вдолж Повардарието повремено засилен северозападен ветер.
Минималната температура ќе биде во интервал од -13 до -4, а максималната ќе достигне од -7 до 3 степени. 
Во наредните денови следува период на стабилно и студено време со ниски утрински температури, а и дневните до вторник во поголем дел од земјава ќе бидат под нулата. Од понеделник до среда ќе биде претежно сончево, а од четврток облачноста ќе се зголеми и во западните делови ќе има услови за локални врнежи од дожд.
