Две лица со повреди биле пренесени во болница, по настан кој се случил во близина на бензиската пумпа на подрачјето на Гази Баба. Полицијата го истражува случајот.
Според првичните информации, синоќа во 19.55 часот во СВР Скопје било пријавено дека во близина на бензинската пумпа на подрачје на Гази Баба има едно повредено лице. Подоцна била добиена информација дека со возило „ауди“ С.И.(33) од с.Сингелиќ бил донесен повреден со остар предмет во Градската општа болница „Наум Охридски“ за укажување на лекарска помош. Од местото на настанот, во Комплекс клиники „Мајка Тереза“ бил пренесен Е.Е.(31) од с.Арачиново, со прострелна рана и од доктор му се констатирани тешки телесни повреди. На местото на настанот обезбедени се возило „сеат“, „голф“ со скопски регистарски ознаки, чаури и остар предмет. Се преземаат мерки за расчистување на случајот.
