Пукање од пиштол сред бел ден се случило деновиве во скопската населба Топанско поле од страна на се уште непознато лице. Овој чин е забележан на социјалната мрежа „Тик Ток“, а се споделува и на други социјални мрежи. На снимката се забележува моментоt кога лицето вооружено со пиштол се оддалечува од група луѓе кои се собрани и се дружат и почнува да пука. Тој испалил повеќе истрели во воздух иако околу него има повеќе згради и опасност некој да биде повреден. Во групата има дури и дете во количка.
До денеска МВР не соопшти дали го открило идентитетот и дали го привело лице кое го прави ова недозволиво и опасно дејствие.
