Во скопското подрачје денеска времето ќе биде променливо облачно со можни врнежи од дожд во попладневните и вечерните часови кои наместа ќе бидат пообилни. Утринската температура ќе се спушти до нула, а дневната ќе достигне до 10 степени.
Променливо облачно време со врнежи од дожд попладне се очекуваат и за останатите подрачја во Македонија. На планините врнежите ќе бидат од снег. Ќе дува и слаб до умерен југоисточен ветер. Утринската температура ќе се движи од минус 3 до 3, а дневната од 8 до 13 степени.
Во следниот период синоптичарите најавуваат претежно облачно време со повремени врнежи од дожд со променлив интензитет. На планините врнежите ќе бидат од снег и ќе се зголемува снежната покривка. По котлините ќе има појава на утринска магла. Во понеделник ќе дува засилен северен ветер. Од вторник се очекува стабилизирање на времето. 
