Златен накит е украден од починат пациент вчера на Инфективно одделение на штипската болница, информира полицијата.
Во соопштението до јавноста портпаролот на СВР-Штип, Гордана Панајотова информира дека вчера во 14:17 часот во СВР-Штип вработен од обезбедувањето во Клиничка болница-Штип пријавил кражба на златен накит од починато лице на Инфективно одделение при Клиничката болница Штип.
– Според пријавеното околу 14 часот на Инфективно одделение дошле вработени од погребално да го подигнат телото на починатото лице, при што го побарале златниот накит за да го предадат на фамилијата, но од страна на засега непознато лице накитот бил одземен, се вели во соопштението од СВР-Штип. 
Полицијата веќе работи на расчистување на случајот.
