Во последните 24 часа во Македонија се направени 1350 тестирања, а регистрирани се 162 нови случаи на ковид-19, соопшти денеска Министерството за здравство. Од нив во Скопје се 75, Куманово 14, Дебар 1, Штип 5, Прилеп 5, Тетово 13, Струга 1, Велес 2, Битола 5, Охрид 2, Кавадарци 2 , Гевгелија 3, Струмица 10, Крива Паланка 3, Радовиш 4, Кочани 12, Пробиштип 1, Валандово 1, Виница 2 и Свети Николе 1.
–Починати се 4 лица, тројца пациенти од Скопје (55, 80 и 81г) и еден од Штип (81г), се наведува во информацијата.
Денеска Институтот за јавно здравје регистрира 109 оздравени пациенти. 
Досега во земјата се направени вкупно 190.127 тестирања на Ковид -19. Нема тестирања во рамките на скринингот.
Вкупната бројка на ковид дијагностицирани во Македонија од почетокот на епидемијата изнесува 18138, бројката на оздравени пациенти е 15068, на починати е 743, а во моментов бројот на активни случаи во земјата изнесува 2327.
