Сончево време со мала до умерена облачност, ќе дува умерен ветер од југозападен правец, најавуваат метеоролозите за денеска на скопското подрачје. Утринската температура ќе достигне до 13 степени, а дневната температура до 28 степени Целзиусови.
Во останатите делови од Македонија времето ќе биде сончево со мала до умерена облачност. Ќе дува умерен, а во западните делови повремено засилен ветер од југозападен правец.
Кон крајот на денот во западните делови ќе има зголемена облачност со врнежи од дожд. Утринската температура ќе се движи од осум до 15 степени, а дневната температура од 20 до 31°Ц. 
Од сабота до понеделник ќе бидеме под влијание на изразена циклонска активност со чести продори на влажни бранови. Времето ќе биде претежно облачно со пообилни врнежи од дожд особено во сабота (над 30 л/м2), кои на места ќе бидат поројни, со грмежи и силен ветер (над 80км/ч.). Температурата ќе се намали.
