Со тешки телесни повреди се здобил 71-годишниот велосипедист во сообраќајната несреќа што се случила во Кисела Вода.
Полицијата соопшти дека вчера во 17.30 часот било пријавено дека на крстосница од ул.„Живко Фирфов“ и ул.„Коперникова“ патничко возило „Пежо 206“, со скопски регистарски ознаки, управувано од А.З.(49) од Скопје, удрило во велосипед, управуван од А.М.(71) од Скопје.
-Во незгодата велосипедистот се здобил со тешки телесни повреди, констатирани во Комплекс клиники „Мајка Тереза“. Извршен бил увид на местото на незгодата од увидна екипа од СВР Скопје, се наведува во информацијата.
